Ua poloaiina e se faamasino le totogi ane e leoleo o le $5,750 i se tasi tagata na iai i solo tetee sa faia i le Palemene i Ueligitone ma molia i le trespass poo le uia o vaega e lē tatau ona solia, ina ua lē mafai ona auina ane e leoleo se tasi o molimau autu i le mataupu.
Lipotia e le One News o le mataupu lea ua lē mulimulitai lelei ai le leoleo suesue o loo aofia i mea sa manaomia atu e le prosecutor a leoleo na talosagaina ai le tagata o loo molimau, o se tasi foi o leoleo na iai i le pueina o le tagata tetee lea, ma ua silia ma le 20 tausaga o ia iloaina.
O le tagata tetee o Laura Cassin, o ia o se tasi o le silia ma le selau o tagata na molia i tetee le aso 10 o Fepuari o le 2022 ma sa alu foi i news le taimi na tosoina ai e ni tamatai leoleo e toalua le ulu o le tamaitai o Laura ma e tolu po na taofia ai e leoleo.
O le valaauina la o le mataupu i le faamasinoga ua faia ai le faaiuga lea a le faamasino e totogi e leoleo le vaegatupe lea i lea tamaitai.
Na ia faailoa i le televise ua faafetai ua mae’a lea mataupu ma toe faagasolo le olaga e pei ona masani ai.
