O se suesuega tele sa faatino I le lalolagi ua faailoa mai lona iuga I le aso ma ua faatulaga mai ai o Niu Sila le atunuu aupito maualuga le aofai o tagata ile lalolagi ua maliliu mai le melanoma.
O le melanoma pei ona faailoa e le fomai Dr Chris Jackson o le toatele lava o tagata e le manatu mamafa I aafiaga o le la I le tino o le tagata ae ua fautua mai e ao ona silasila I tulaga tau le puipuiga o le tino mai lea foi ituaiga gasegase.
Fai mai le fomai e lelei le faaaoga o avanoa e faia ai siaki ia iloa ai poo aafia. O le melanoma o se tasi o ituaiga kanesa o le pau, skin cancer ma ole fautuaga mai le alii fomai e ao ona faaaoga pea tulaga tau le puipuiga mai le la ma faaeteete aemaise ona ua tele le suiga I nei vaitau I tulaga o le tau.
O loo taua foi I le suesuega fua I le faaiuga ua maua mai I le suesuega, e foliga mai o le a siitia pea le aofai o tagata e aafia I le melanoma I le agai atu I leisi 20 tausaga o lumanai.
O le uuina o le tino I kulimi faapitoa mo le puipuiga o le tino,o nisi ia o faamanatu na faailoa e le alii fomai e puipuia mai ai mai le aafia I le melanoma.
