O le alo o le alii soka lauiloa a Ausetalia ae o se alo foi o Samoa, Tim Cahill, le alii o Kyah Cahill 19 tausaga lea ua valaauina mo le ausoka Samoa mo le taamilosaga a le Oceania Under 19.
O loo taalo nei le alii talavou i Qatar ae sa taalo foi muamua i Egelani ma Spain e pei ona lipotia i le RNZ Pacific.
Fai mai Cahill i le OFC Media o le a faaaoga le avanoa ua valaauina ai o ia i le ‘au e asiasi ai i Samoa ma ona tupuaga.
O lona tama Tim Cahill sa avea foi ma sui o le ausoka a Samoa i le 1994 i taaloga a le Oceania under 20 ae faatoa 14 lea o ona tausaga.
Ua taua i le lipoti o le a laei lava e le alii o Kyah le numera 17 o le numera sa laeiina foi e lona tama i le taimi atoa o lana taleni i le soka.
