Ua faaauau pea e le faiaoga a le Wallabies, Eddie Jones lana masani e iloa tele ai e tagata, o le faia o tofiga e lei manatu iai le toatele ma e ono manatu nisi e iai ni ona lamatiaga aemaise i le ‘au a le atunuu.
I le filiina o le ‘au a le Wallabies mo le Ipu a le Lalolagi ua fili ai nei foi e Jones le alii talavou o Ben Donaldson i le ‘au amata a le Wallabies i lana uluai taaloga.
Sa manatu le toatele ua laki Donaldson i le maua o lona avanoa i le ‘au, 24 tausaga le matua peitai ua faate’ia nisi ina ua fili atu e amata i le uluai taaloga.
E lei iai lava se malo a le Wallabies i lalo o le taitaiga a Jones talu ona toe filifilia ma ua mataituina foi e le atunuu le alo atu o le Wallabies i le Ipu a le Lalolagi i lenei tausaga.
