O loo iai lapata’iga i Ausetalia mo le isi ituaiga o fulū ua faaigoa o le Super K, o le ituaiga strain lea mai Amerika ua pepesi nei i Ausetalia.
Ua faailoa mai lipoti a le 7News a Ausetalia ua silia i le 60 tagata ua maliliu ai i le tausaga lava lenei ia ma ua una’ia ai e le matāgaluega o le soifua mālōlōina le faia o tuipuipui o le fulū i se taimi vave.
Fai mai o tagata matutua e aupito tele lamatiaga mai lea ituaiga fulū.
Ua faailoa i faamaumauga ua oo atu i le 24 afe tagata ua faamaonia le aafia i le fulū i le tausaga lenei ma ua faailoa fautuaga e lē tatau ona fefefe tagata ae ia aga’i e fai tuipuipui.
Fai mai o loo lava vailaau mo togafitiga i faletalavai ma ia faia vave tuipuipui mo le saogalemu.
Puna o Faamatalaga: https://7news.com.au/news/australia-braces-for-severe-flu-season-as-deadly-strain-super-k-from-america-spreads-c-22053896
