Fai mai o loo suesue nei e le malo se mataupu e aofia ai se tagata overstayer mai le Pasefika lea sa taofia i le mae’a o se osofaiga na faia foi i le vaveao i se aso o le vaiaso na tea nei i Aukilani i Saute.
O le faamatalaga mai le RNZ ua faailoa e le loia, o Soane Foliaki lea o loo tulai mo le tagata o loo taofia, fai mai na agai ane leoleo poo le ta o le 5 i le vaveao i le fale o le aiga lea ma ave ai lea tagata ae na ta’ua le fefefe o si ana fanau.
Ua faailoa i le lipoti e ui sa finau ane le Immigration NZ i le taimi e pei ona ta’ua ae sa tautino na faatino le osofaiga lea i le taeao.
E lua tausaga talu ai sa faia ai le faatoesega a le malo e tusa ai o ituaiga osofaiga faapea na faia i le vaitausaga o le 1970 ma fai mai le Palemia o iai i le taimi nei, Chris Hipkins e leai sona manatu e toe tulai mai ia ituaiga faiga ma o lona popolega lea, ma ua mae’a faailoa ane foi e ana minisita e leai se tasi o iloa lea tulaga ma o le taimi nei o loo iloilo e le minisita lagolago o le Immigration, Rachel Brooking lenei mataupu.
Na ta’ua foi i le lipoti se faamatalaga tusitusia mai le Immigration e faapea e seasea tupu le tulaga lea o le agai atu o leoleo i le taeaopo i aiga peitai i le mataupu lea ua mae’a ona ioeina le faataunuuina e le pule o le vaega o le ofisa e feagai ma lea auaunaga.
O loo faatalia la se isi lipoti lata mai o lenei mataupu.
