Ua lipotia i le NZ Herald i le vaiaso nei e talitonuina o loo mafaufau lē sa avea muamua ma faipule o le Leipa mo le itumalo o Manurewa, le tamaitai o Louisa Wall pe o le a tamo’e o se sui tauva mo le pati a Maoli i lea lava faaitu i le palota o le tausaga nei.
Ua faailoa foi i lea lava tusitusiga o lē na faavaeina le Buttabean Motivation BBM, Dave Letele ua ia faamaonia ane o loo faia ni a latou talanoaga ma le pati e tusa i lona tulai mai i Magele.
O Wall na manumaloina le nofoa o Manurewa i le 2011 a o iai i le vaega faaupufai a le Leipa, faapea foi i le 2014 ma le 2017 ae na faamavae Wall mai le Palemene i le 2022.
Fai mai le Herald sa afea Wall mo sona finagalo i le mataupu peitai e lei fia faia sana saunoaga e faamaonia ai pe teena foi ia faamatalaga.
O le nofoa o Manurewa i le taimi nei o loo umia e le faipule o le Leipa, Arena Williams. Saunoa le peresetene o le pati a Maoli John Tamihere i lea lipoti o le a matuai fiafia pe afai ae avea soo se isi o le toalua lea o Wall ma Letele ma sui o le Te Pati Maori team.
