E lei taunuu manuia le gaoiina o le Countdown i Aukilani, ina ua omai toe pē le taavale i le motorway.
E tusa ma le $1000 le tau o oloa gaoi na sosola ma le au gaoi i le faaiuga o le vaiaso mai le Countdown i Greenlane.
I molimau a le Herald o lea na sola mai i fafo ma le Countdown se tina ma lana kololi e tumu i lana faatau e lei totogia, ma e lei umi se taimi na tau’ai ai i totonu o le taavale.
Mai molimau na iai i lea taimi, e foliga mai e lē o le taimi muamua lea ua faia ai e lea tina lea amio.
Ua faamaonia mai ai e leoleo e toatolu i latou na sosola ma le faatau e lei totogia.
Ta’ua mai ai foi e le ofisa o loo faia pea nei suesuega ma o le taavale na sosola ai o lea na sau pē i luga o le motorway.
