Na pa’ulia le tele o tafolā i luga o le matāfaga i Ruakaka i Northland ananafi, ma i lipoti e faapea e tusa ma le 40 le tele o tafolā.
Mai lea aofa’i, o le tele na lavea’iina e le to’atele o tagata sa i le matāfaga i lea taimi, peitai e 4 talofā na mamate.
I lipoti a le Stuff o loo toe molimau ai se tasi o tagata faipisinisi e i le va o le 500 aga’i i le to’aafe tagata na mafai ona o atu i le matāfaga ma fesoasoani e toe ave i tai le tele o tafolā ma toe faafoi nisi tagata ona ua leai se avanoa e paka ai a latou taavale.
Ae mai le matagaluega o faasao, o le popolega ua iai nei o le ono toe pa’ulia o tafolā, ma ua sau ai ma le talosaga ia vave faafesoota’i atu pe a toe vaaia ma o Breen Bay lea o loo taumate e ono toe vaaia ai.
Puna o Faamatalaga: https://www.stuff.co.nz/nz-news/360497936/40-pilot-whales-stranded-ruakaka-beach-northland
