E toalua tagata ua manunua ina ua pa’ū se fale i Orua Bay i Manukau Heads ma iai lipoti o loo iai tagata o loo tanumia ai i lalo o lea fale.
Ua agai atu iai le vaega o le tineimu ma leoleo i le faalavelave lea i le aoauli o le asō ma sa faamaonia foi e se sooupu a le St Johns sa agai ane a latou vaalele helicopters e lua e fesoasoani i le mataupu lea.
O molimau a nisi mai lea faaitu ua ta’ua ai e latou te iloa o se ulugalii matutua e aumau i le fale lea ua pa’ū ma o loo tālia nei se isi lipoti lata mai a leoleo i le mataupu lea pe a mae’a suesuega o loo faagasolo i le taimi nei.
