Ua fautuaina le au fai taavale i Sini ia faaaoga tatau si taimi lenei ua faailoa mai ua maua ai sina faamāmā avega i le tau o le penisini e utu ai taavale auā le agai atu i le faaiuga o le vaiaso.
Fai mai ua faaitiitia mai le tau o le penisini i le taimi lenei pe a faatusa i le vaiaso ua tuanai ma o le penisini unleaded ua na o le 167 sene i le lita.
Faailoa i lipoti ua lapataia tagata ia faaaoga lea avanoa e faatutumu ai taavale ona o le a toe foi lava foi i luga le tau o le penisini i ni nai aso o lumanai.
Ua feauga tonu lea ma le fuafuaga a nisi mo le aso malolo a taeao aemaise le agai atu i le faaiuga o le vaiaso.
Ua pau foi le tau o le kiso lea ua faailoa mai ua 40 sene ua faaitiitia ai mai lona tau sa iai i le vaiaso ua tuanai.
