Ua pa’ū le lagolago mo pati tetele a le National ma le Labour, ae sau ai i luma le Greens.
I le palota faapolokiki a le 1News Kantar Public Poll na faalauiloa mai i le aso ananafi o lea e 2% ua pa’ū ai le Labour pe a faatusa i le masina o Ianuari, ae pa’ū i le 3% le National.
E 4% le maualuga ua alu ai i luga le Greens, ae o le ACT e na o le 1% ua faaopoopo.
A faaliliu i nofoa o le maota, o le iuga e maua ai e le Labour ma le Greens nofoa e 60 ma o lona uiga e la te moomia ai le Pati a Maori.
Peitai mo le National ma le ACT e na o le 57 nofoa ma e le o mafai ai ona fau se faigamalo.
Ae mo le Palemia e mananao iai tagata o Chris Hipkins ua faaopoopo le isi 4% ma ia mauaina ai le 27%, ae o Christopher Luxon ua pa’ū i le 17%.
O le palota lenei na auai ai le 1002 tagata ma o lea na faia i luga o le telefoni faapea online i le vaiaso talu ai.
