E tele atu tupe faaalu a tagata Niu Sila o lenei Boxing Day i meaai ma ava malosi nai lo faatauga i faleoloa.
O faatusatusaga nei o lenei tausaga pe a faatusa i le tausaga talu ai e tusa ma lipoti a le Worldline New Zealand, lea sa faaigoaina o le Paymark ma e lē o iai se eseesega ma faamaumauga o le ono masina talu ai.
E $98.3 miliona tupe na faaalu i le Aso Lua mo faatauga ma ua pa’ū i le 0.6% pe a faatusa i le Boxing Day o le 2022.
O Otago le vaega o Niu Sila na maualuga le alu i luga o faatauga na fai ai i le Boxing Day, lea na faamauina ai le 9.4%, sosoo ai ma Wairarapa e 8.5%, peitai o Ueligitone le aai na telē le pa’ū i faatauga lea e 10.8%.
O faamaumauga a le Worldline o loo mātele i faatauga e faia i totonu o faleoloa faatasi ai ma se vaega o faatauga na mafai ona faia online.
