Ua pasia le tulafono e faataga ai ona faia le tui lona fā o le Koviti faaaogā ai vailaau a le Pfizer.
O lea ua pasia e le Palemene le tulafono e saofaga ai tagata e maualuga le lamatia mai ma’i tigaina pe a maua i le Koviti ma o lea o le a mafai ai ona faia o latou boosters lona lua.
O le suiga o le tulafono ua iai nei o le a lē toe moomia ai le vaai o le GP poo le foma’i faaleaiga e faia ai le booster lona lua, ma o lona uiga ua mafai lava ona maua e aunoa ma le tau tapa o se pepa talavai.
O se teuteuga foi ua faia i le mae’a fautuaina e le Covid-19 Vaccine Technical Advisory Group a le soifua mālōlōina e moomia le faia o boosters lona lua o tagata nei i le mae’a ai o le 6 masina talu na uma ona faia le ulua’i booster.
O kulupu o le a agavaa mo le tui lona fā lenei a le Pfizer o loo fuafua e faailoa mai e le faatonusili o le soifua mālōlōina Dr Ashley Bloomfield i le aso a taeao, ma o kulupu na fautuaina e le vaega faufautua lava lenei a le matagaluega e aofia ai tagata matutua 65 tausaga aga’i i luga, Maori, faapea tagata Pasefika 50 tausaga aga’i i luga.
