O le faia o livi totogi mo aiga ma livi pe afai e sauaina (paid family leave and domestic violence), ua pasia nei e avea ma tulafono.
O le faigamalo ua iai nei a Albanese na o latou finauina lea tulafono ma o lona uiga la o le a mafai ai loa e tagata faigaluega ona agavaa i livi totogi mo aiga ma tulaga e sauaina ai, ma o se tasi lea o polomisi a le Palemia sa faia i le taimi o le palota.
Fai mai le minisita o galuega o Tony Burke o lenei tulafono e le foia ai le faafitauli o sauaga i aiga ae o lona uiga o le a lē toe iai se tagata faigaluega i Ausetalia e faamalosia e faia sana faaiuga i le maua ai o sona totogi ma le puipuia o lona saogalemu ma o latou aiga.
O le masina o Fepuari o le tausaga fou o le a amata faamamalu ai lea tulaga ma o le a aofia ai foi ma tagata faigaluega casuals.
