Ua pasia nei le Three Waters Bill i le Palemene ma o le uluai pili lea o pili e tolu o le a faamautuina ai le maua o le suavai mamā mo le taumafa mo tagata Niu Sila pei ona saunoa iai le minisita o le va i fafo, Nanaia Mahuta.
E lei lagolagoina e le vaega faaupufai a le Greens le pili i lona faitauga faatolu ona fai mai a ia e le o lava le tulaga tau le puipuiga o faia faasaga i aseta o le vai lea ua faatauina.
Ua pasia le pili e le Palemene ae na o le Leipa sa lagolagoina ma maua ai lava le fuainumera e pasi ai le pili.
Fai mai le sui o le Green o Eugenie Sage i le televise tasi o le uiga o le pili ina ia faatulaga e puga e fa ua iai nei le faagaioia o auaunaga tau le suavai e fua i manaoga o tagata lautele ma ia taofia ia aseta mai le toe faatauina atu peitai la o le toe aveesea e le malo o nisi o vaega poo le clause sa tuuina e le vaega faaupufai a le Green, o lona uiga o le a ono mafai lava la ona faatau ese atu nisi aseta i le lumanai.
O le manatu o le National e tatau ona faaleleia auaunaga tau le suavai i le atunuu ma ia saogalemu ma faamoemoeina e tagata.
