O lea ua pasia nei le Respect at Work Legislation i le Palemene a Ausetalia ma ua saunoa ai le Palemia ua faafiafiaina ai o ia.
O le uiga o lenei pili, o le a mafai e pule o galuega ona latou faaaoga tulaga talafeagai e aveesea ai faiga faailogatagata ma isi uiga talitutusa.
Na afua mai lenei mataupu i le Jenkins report lea sa aofia ai ma ni fautuaga ina ia faaleleia le tali atu i faaseā poo ni lipoti i uiga matagā e faia i tamaitai i ofisa ma fale faigaluega.
Ua faailoa ai e le Palemia lona agaga fiafia i le faagasologa o lenei mataupu ma le faatāuaina foi o nisi sa aafia muamua i ituaiga solitulafono faapea.
Fai mai Albanese o lea ua gaioi lana faigamalo ma o le asō ua avea ai lea mataupu ma tulafono ma e faafetaia uma ai lana au.
