Ua pasia le faitauga mulimuli o le pili ua ta’ua o le Fair Pay Bill.
O le pili lenei o loo taulai i le saga faamalosia o le mafai e tagata e maualalalo totogi faapea konekarate e le o malupuipuia, ona latou finauina le toe faia o ni feutana’iga i totogi.
E lei lagolagoina e le National ma le ACT le pili.
Ae na ta’ua e le minisita ia Michael Wood, o i latou o le a manuia ai o tagata o loo kiligi, galulue i supamaketi, avepasi, faiaoga i aoga amata faapea i latou o loo galulue i le vaega o turisi ma fale’aiga.
O le a mafai ai ona faia ni feutana’iga i se kamupani e tasi.
O le a mafai ai foi e le iuni ona tauave se mataupu pe a ia mauaina le 1000 o le aufaigaluega poo le 10% o le aofaiga o tagata galulue.
Ae mo fale faigaluega o loo faaletonu tupe maua, o loo mafai i lalo o lea pili ona faatalosagaina ai le tolopo.
I se manatu mai le malo, pe a ma le tasi se tausaga ona faatoa aloaia lea o le pili o le a faatulafonoina nei.
