I faamatalaga e maua mai le BBC ua ta’ua ai ua osofa’ia e vaegā’au a Amerika se isi vaa e feta’ua’ina o loo feavea’ia fualaau faasāina, i ogasami o le Pasefika e pei ona faailoa e le Pentagon.
Na ta’ua e le failautusi o le puipuiga a Amerika, Pete Hegseth e to’alua tagata sa i luga o le vaa ua fasiotia ai ae le’i iai se tasi o vaegā’au a Amerika na afaina ai.
O le valu ai lea o vaa ua osofa’ia e Amerika talu mai Setema ae o le ulua’i vaa lea ua osofa’ia i le Pasefika.
Ua saunoa ai Trump e faataga ona o latou faia lea tulaga ma ua nofo sauni foi e faalautele ia osofa’iga i le laueleele pe afai lava e mana’omia.
Faailoa foi e Hegseth ua oo mai lava faiga nei a le Cartels i ogasami ma tuaoi ma o le a matua’i leai se faamagalo poo se sulufa’iga, na o le sa’iliga moni loa o le amiotonu.
Puna o Faamatalaga: https://www.bbc.com/news/articles/cd9k2w8ell0o
