Ua iai ta’iala fou ua faatulaga mai e le Fono Faatonu a le World Rugby o le a faatapulaa ai taaloga a tama taaalo faavaomalo i le na o le 30 i le season ma ia lē itiiti ifo i le 5 vaiaso o taaloga off season.
O le faai’uga lea ua taunuu iai le fonotaga talu ai nei a le World Rugby fai mai ua ave ai le faamuamua i le soifua manuia o le ‘autaaalo ma o se matāupu na laga ane e i latou o loo mata’itūina tulaga ia e faatatau i le ‘autaaalo, o iuni, taamilosaga faaitumalo ma le lalolagi atoa.
O le ta’iala fou la lea e aofia uma ai le itupa o alii ma tama’ita’i ma o le a amata faamamalu i le taumafanafana o le tausaga fou 2026.
E mana’omia le mālōlō o le ‘autaaalo aemaise pe a mae’a taamilosaga faavaomalo, ma ia iai se mālōlōga pe a mae’a le season.
Fai mai le RNZ o loo lagolagoina lea ta’iala e le liki, iuni, sui ta’ito’atasi ma sui faavaomalo o le Players Association.
Puna o Faamatalaga: https://www.rnz.co.nz/international/pacific-news/574764/new-world-rugby-guidelines-limit-elite-players-to-30-matches-per-season
