Na lūlū se mafui’e e 6.6 le malosi i le fua mafui’e i Papua Niu Kini e lata i le aai o Lae.
O le US Geological Survey na o latou lipotia o le ogatotonu o le mafui’e e pe ā ma le 26 kilomita i Saute i Sisifo o Lae ma lona loloto e 99.4 kilomita.
Faamatala nisi na faalogoina se pa’ō leotele i le taimi na lūlū ai le mafui’e e fai lava si malosi.
Molimau le to’atele e malosi le mafui’e ae e lē o iai ni mea tetele o faaleagaina.
E lē o iai foi ni lapata’iga o se galulolo poo le tsunami ae fai mai isi molimau o le lūlū a le mafui’e lea ua toe fafagu ai ma masaloga o tagata i talitonuga faanuupo sa sau ai i aso ua te’a.
Puna o Faamatalaga: https://www.rnz.co.nz/international/pacific-news/575278/6-point-6-magnitude-quake-in-papua-new-guinea-no-tsunami-warning
