Ua se’ia le lesitala e avea ai pea o se faiaoga ona ua palauvale i tamaiti aoga.

Pe ā ma le faalima i le faaono ona palauvale le faiaoga o Henare Hutana i nisi o tamaiti o lana vasega i lona ita tele i le tausaga e 2019 e tusa ma lipoti a le Teaching Council.

O le masina o Me na amata ave ai ona aso malolo ae faasolo suesuega, seia oo mai ai i le masina o Oketopa o le tausaga lava lea faamavae.

E lei faigofie foi suesuega a le pulega ona e lei fia tali mai Hutana i taimi na fesiligia ai.

I le faaiuga a le faamasinoga na faatoa faailoa mai ananafi i tua, e matuai faasā ma e lē taliaina le ituaiga leo faapea faamatalaga na lafo e le faiaoga i fanau ma ona o lea e lē o fia tali mai foi i suesuega o faia, o lea ua oosi ese ai lona igoa mai le lesitala o ia o se faiaoga i totonu o le atunuu.