A itiiti mai pe to’a 42 ua fasiotia ina ua tafana e nisi ni taavale sa ave atu ai Shiites i le itu i Matu i sisifo o Pakistan.O Shiites o le igoa e ave i tagata e iai i le talitonuga Isalama, poo se tagata Musalemi e mulimulita’i i faatonuga ma tu a lea talitonuga.
Fai mai lipoti i tala mai le lalolagi, o le faamatalaga a leoleo o le osofa’iga na tupu i Kurram o se itumalo e masani ona tula’i ai vevesi i le va o Sunni Muslima ma le minority Shiites ma sa maliliu ai foi le to’atele i le taimi ua sola.
E lē o iai se vaega ua faailoa ane o latou na faatinoina le osofa’iga ae ua faailoa e leoleo o taavale na malaga faatasi ane mai le aai o Parachinar ae tafana ane ai e nisi ma a itiiti mai pe to’a 10 isi o loo tigaina ai i le falema’i.
O loo faia le su’esu’ega i tagata e 42 ua maliliu ma ua faaigoa e le minisita o le lotoifale o se osofa’iga faatupu faalavelave lenei.
Ua faitioina foi e le Palemia o le atunuu ma le Peresetene ma faailoa poo ai na faatinoina lea osofa’iga e mautinoa e faia iai se faasalaga.
Puna o Faamatalaga: https://edition.cnn.com/2024/11/21/asia/gunmen-attack-shiite-muslims-pakistan-intl-latam/index.html
