E 46 tausaga le matua o se tama tane o loo nofo taofia nei i le vaaiga a leoleo ina ua mae’a se osofaiga poo se raid i Motootua, ma maua ai i le fale o lea tagata ni pauta o le ‘aisa (meth), o ni ututau o se laau malosi e lē faatagaina, o ni masini faatekonolosi ma ni tupe.
O se tasi lea o osofaiga a leoleo i le Aso Toonai na tea nei 27 o Me, ua momoli atu ai se logo tāua ia i latou o aafia i le faafailele o le umia ma le gaosia o pauta faasāina, e le solomuli le tulafono ma le auaunaga a Malu o le Malo i le faia o sailiga e maua ai, ma molia.
O le aso 12 o Iuni e tulai ai le ua molia i le faamasinoga, ae o loo faaauau pea suesuega a leoleo.
