O loo faamanualia se alii ma se tamaitai na faaoolima iai se tagata e faaaoga ai se pate i se faalavelave na osofaia ai se fale i le itu i Sisifo o Sini i le po anapo.
Fai mai leoleo e toatolu tagata sa tofafā i le fale i Railway Street i Yennora ae osofaia ai e ni tagata se toafa le fale a o lei taina le 3 i le vaveao.
Fai mai o le kulupu lea na faatinoina lea osofaiga sa fai a latou matapulepule ma sa o latou faatonuina tagata na iai i le fale e tuu atu tupe ma i le taimi lea sa faaoolima ai foi i se alii e 39 tausaga le matua ma aafia ai lona fatafata.
O isi tamaitai e toalua 52 ma le 63 tausaga e aumau ai foi i lea fale na taumafai e faae’e le alarm mo se fesoasoani ae faaoolima foi iai i latou ia e faaaoga ai se pate.
Na o latou gaoia foi le telefoni a se tasi o tamaitai ma sosola ese ai ma se atotupe.
O loo talosagaina e leoleo se fesoasoani i le suesuega o loo faia nei i le nofoaga na tupu ai le faalavelave.
