O loo faia nei suesuega a leoleo i le osofaia o le dairy i Hamilton i le vaiaso nei lea o loo ta’ua mai na osofaia ai lē e ana le faleoloa ma faasiilima.
O le faalavelave na tupu i le Fairfield Bridge Dairy and Cafe lea e i luga o le River Road i le tea o le 5 i le afiafi ananafi.
Ua faailoa e toafa alii le auosofai lea sa faaaupegaina uma ma o latou faasiilima ai le pule o le faleoloa ma faaoolima foi iai ona sosola ese lea ma sikaleti ma le pusa tupe o le pisinisi.
O le taavale o le ituaiga o le Subaru Impreza lea na ta’ua na sosola ese ai.
O se faalavelave faagalogata mo le pule o le pisinisi. O lipoti o le taeao analeila ua ta’ua ai ua pue e leoleo se alii 18 tausaga le matua ma ua molia i le faalavelave lea a o tau sailia ai le isi toatolu.
Ua talosaga leoleo i nisi e silafia ni faamatalaga i lenei osofaiga ina ia fesoasoani ane i le suesuega o loo faagasolo.
