O se taga o le fualaau faasāina o le cocaine e talitonuina pe ā ma le 40 afe sona tau na togi ane i lalo mai se tasi o apartment maualuga i Melepone ina ua faasolo atu iai osofa’iga a leoleo i le amataga o le vaiaso nei.
Na pu’eina ai e leoleo tagata e to’a 13 ma aveina ai le silia ma le 1.4 miliona o le tau o fualaau faasāina ma mea na maua ane i soligatulafono.
E talitonu leoleo o fualaau faasāina e pei ona feta’ua’ina o le cocaine ma le ketamine e aofia ai se kulupu o loo latou sapalaia ia fualaau i totonu o Melepone.
O faaitu e pei o Richmond, Hawthorn, Flemington ma Ascot Vale na faia ai osofa’iga a leoleo ma ua lipotia foi e to’avalu isi tagata ua faia iai moliaga ona o le feavea’ia o fualaau faasāina ma afai e faamaonia moliaga e oo i le 25 tausaga e falepuipui ai.
Puna o Faamatalaga: https://www.9news.com.au/national/melbourne-crime-bag-of-cocaine-allegedly-thrown-from-highrise-during-police-raid/4a2ceb1c-b396-421d-bc00-20ae8e19478b
