Ua oo mai i Sini le alii pilionea o Adrian Portelli, ma ua lipotia lona tufatufaina o vouchers mo faatauga e oo atu lona faatupeina i le $150,000, ua tufa atu i soo se tagata faatau i faleoloa e lua i le itu i sisifo o Sini.
O le polokalame i luga o le televise, The block lea e iloa ai e le toatele le alii o Portelli na ia faatau ai fale i tauofoga i luga o le televise ma faailoa foi e lima isi fale na ia faatauina i le tausaga nei. E masani lea alii pilionea ona ofo ane ni faamanuiaga mo tagata i luga o upegatafailagi ma e le o ni nai faamanuiaga foi.
O le vaiaso nei ua ia tufatufa ai vouchers ia mo faatauga i tagata sa iai i faleoloa e lua na ia asia,. O lana faamatalaga o lona tupuaga e mai se aiga e galulue foi ma na pau o se fesoasoani laitiiti ua ia mafaia e fesoasoani ai i tagata.
Fai mai Portelli sa fai lava lana tala a fai ae oo i se tulaga faapea o le a ia fesoasoani i ni tagata se toatele. Fai mai na iu ina toe valaau ai nisi ole aufaigaluega a Coles i le aso ananafi faapea sekulati e tau faafoe le toatele na agai atu mo ni vouchers mai le alii pilionea e fesoasoani ai i faatauga o aso fiafia.
Puna o Faamatalaga: https://9now.nine.com.au/a-current-affair/adrian-portelli-lambo-loving-billionaire-takes-to-sydney-streets-for-eye-watering-grocery-giveaway/8080ffc4-63ae-4445-a3e3-21f98c557775
