O se aso vevela tele lenei i Niu Sa Uelese e pei ona faamaonia e le vaaitau, ma e faitau miliona o le a faalogoina le vevela auā o le a oo atu i le 40 tikeri le malosi o le vevela i le tele o vaega o le atunuu.
Ta’ua e le ofisa o vaaitau, faamaonia le faalogoina e tagata i Vitoria ma Tasmania i le lua aso talu ai lea ua faasee mai i le itu i matu i Niu Sa Uelese. Ua fautuaina ai tagata ia faaeteete i tulaga e ono aafia ai.
E ui i lea faamatalaga ae ua faailoa foi e le vaaitau o le a aga mai se mālū faasolo atu i le afiafi ananei aemaise lava i nofoaga i gataifale o le atunuu.
O loo iai foi vaega o loo fautuaina i matagi to faatautau aemaise i le itu i saute o le setete.
E ono aafia foi nisi vaega iuila ma faititili ma ua maitauina e le vaaitau e ono oo atu taeao ua faasolo ese i le itu i matu uiga vevela ia o le tau ma maua ai sina mālū mo Niu Sa Uelese, Vitoria ma Ausetalia i Saute.
Puna o Faamatalaga: https://www.9news.com.au/national/australia-weather-updates-extreme-heat-for-nsw-as-temperatures-hit-40-degrees/6a670c7e-8a48-4954-a539-3d1799727cb2
