E i’u ina toe suia mai le umi e faanofoesea ai le tagata pe a maua i le koviti pe afai ae faatalanoaina ma pasia ni suiga e le Kapeneta.
Ua lipotia i le vaiaso nei e ono suia le fitu aso e pei ona masani ai e faanofoesea ai aga’i i le lima aso ma o le a talanoaina lea mataupu i le fono a le Kapeneta i le vaiaso nei ma e ono malilie uma iai setete i lea faiga.
O le premier foi o Niu Sa Uelese lea sa finauina le tulaga lea o le faaitiitia o aso e faanofoesea ai ma e manatu foi e lelei pe a aveese atoa loa le faia o lea tulaga.
O le taimi nei afai ae maua i le koviti se tasi, e tatau ona faanofoesea mo se vaiaso atoa.
