Ua siitia nei le tulaga o lapata’iga mo le atunuu, i tulaga o le atunuu mai le lanu moli aga’i i le lanu mūmū i le tele o faaitu o Niu Sila.
Lipotia mai e 150 kilomita i le itula le saoasaoa o le agi mai o matagi i vaega uma o Canterbury High Country.
O Kalaiesitete ma Canterbury Plains o le a fetaia’i ma le oo atu i le 130 kilomita i le itula o matagi malolosi e oo mai i le aoauli nei.
I Ueligitone ma Wairarapa, o Saute o Carterton o loo faatumauina pea lo latou iai i le faatulagaga lanu mūmū talu ai le fetaia’i pea o ia itu ma le lolouā tele o le tau.
Ma o loo vaaia pea i le agi ai o savili ma matagi malolosi pe ā ma le 150 kilomita i le itula le saoasaoa mai le asō e oo atu poo le itula e 8 i le afiafi.
Ona o le lolouā o le tau ma le malolosi tele o savili ma matagi o lea na lipotia mai ai i lipoti a le NZ Herald le silia ma le 100 o faigamalaga faalotoifale a le atunuu (domestic flights) ua le lē faataunuuina.
Māua foi ni solo tetee na fuafua mo sui o le NZEI Te Riu Roa i Ueligitone, Wairarapa ma Canterbury ua lē oo po ua toe tolopō ona o aafiaga o le tau.
Ua iai nei le faaitu o Canterbury i poloa’iga o faalavelave faafuase’i ma ua fautuaina tagatānuu ina ia nofo lelei i fale ma ia taumafai e ‘alofia le soona feoa’i ina ia mautinoa le saogalemū.
Ua tele maota ma laoa ua motusia eletise, o itu ua vaaia le pa’u’ū o laau ma le lē saogalemu o auala mo le feoa’iga, talu le lolouā tele o le tau.
Puna o Faamatalaga: https://www.nzherald.co.nz/nz/canterbury-and-wellington-brace-for-life-threatening-winds-and-heavy-rain/
