E ono faaopoopo atu Ausetalia ia Amerika ma Iapani i le faia o toleniga tau militeli e pei ona faailoa i se saunoaga a se sui sinia o le fale paepae i Amerika
o John Kirby o le sooupu i mataupu tau le puipuiga lautele a le maota paepae na ia ta’ua o loo manao le peresetene o Joe Biden e talanoa mai i le Palemia o Iapani i le mataupu lea e aofia ai i latou ma Ausetalia.
O loo faaauau pea ona vaaia le sootaga vavalalata a Amerika ma le malo o Iapani i le vaega faamiliteli ma ua foliga o se auala e faateatea mālie ese ai Saina mai ana gaioiga e agai atu ia Iapani.
Ua lipotia ai ma se faamatalaga a le peresetene o Amerika e faapea e le o malolo Saina o loo galulue pea ma o loo iai le manao e ausia ma luitauina foi nisi o tulafono faavaomalo ua autausaga o taumafai atunuu e pei o Amerika faapea foi ma Ausetalia.
Fai mai o le taimi nei o loo taulai le vaai i le AUKUS ma le fuafuaga i vaamaulu e pei ona ta’ua ua tatau ona amata faagasolo mai e galulue faatasi ai ma Ausetalia.
