Ua lipotia i le asō e le 7News e ono agavaa aiga i Niu Sa Uelese i se rebate poo se tupe e toe faafoi ane iai mo le eletise atoa ai ma se peimeni e $500 e fesoasoani ai i le siitia o le tau o le soifuaga.
O se lipoti lea i le 7News i le asō ma fai mai e oo atu i le $180 se rebate e ono maua e fesoasoani e totogi ai le eletise aemaise se vaegatupe lea e oo atu i le $500.
O loo ta’ua i le lipoti o i latou e aumau i le setete ma o loo maua le family tax benefit e ono agavaa ai e pei ona ta’ua e le faigamalo a le setete.
Ua faailoa foi la o talosaga mo lea rebate e tapunia i le Aso Sa, 16 o Iuni o le tausaga nei.
E mafai ona agavaa pe afai e aumau i NSW ma o loo alu le eletise i lou suafa ma ua mae’a ona faila lau talosaga mo le tax return o le tausaga faaletupe talu ai, i le ofisa o lafoga le ATO.
Puna o Faamatalaga: https://7news.com.au/news/new-south-wales-residents-may-be-eligible-for-180-energy-rebate-as-well-as-one-off-500-lump-payment-c-14436157
