Ina pepese Aleluia ua fanau le tupu! Ua lata mai le aso e faamanatu ai le fanau mai o Iesu, lo tatou Alii Faaola. Le pepe o le Kerisimasi. Amata nei loa le taumafaiga, e faagata i le aso 20 o Tesema. O le a faia le se’i i le aso lava lena i le 10 i le taeao. (faitau manino aiaiga)

Ofo e se aiga le $10,000 o le taui mo ni faamatalaga e faatatau i tamaiti e toatolu o loo tau sailia pea

Ua ofoina e le aiga o tamaiti e toatolu o loo tau sailia pea mai Marokopa le 10 afe o le taui o ni faamatalaga e maua atu e faatatau ia i latou ia.

O le tamā mai Marokopa o Thomas Phillips ma lana fanau o Jayda 9 tausaga, Maverick e 7 tausaga ma Ember e 6 tausaga na agai ese mai lava ma lo latou aiga talu mai le amataga o Tesema o le tausaga na tea nei 2021 ma na mulimuli vaaia i le aso 9 o Tesema i le nofoaga o a latou grandparents i le faaitu o Waitomo.

Sa tupu muamua foi le tulaga lea na tau sailia ai le tamā lea ma lana fanau peitai na toe maua mulimuli ane ma o le aso ananafi la lea ua ofoina ai e le aiga le 10afe o le taui o ni faamatalaga e tuuina atu e fesoasoani ai i le sailia o i latou ia.

Fai mai le tina o tamati e talitonuina o loo iai se tasi poo nisi foi o loo fesoasoani ia Phillips o le mafuaaga lea o loo faigata ai ona iloa poo fea tonu o iai.

O se taimi e lei mamao atu na molia ai e leoleo Phillips i le maumauina o lo latou taimi ma tuuina ane ai se poloaiga e pueina ai o ia ina ua le agai atu i le faamasinoga e tali i lona moliaga.