Ua lipotia i le RNZ i le asō se faamatalaga mai le Minisita o le Soifua Maloloina o Ayesha Verrall e faapea ua ofoina atu le faamavaega a le pule o le vaega o auaunaga lautele, Public sector boss o Steve Maharey ona o nisi o faamatalaga faapolokiki sa faia ae o loo ia faatali mo ni fautuaga pe tatau ona ia taliaina lea tulaga.
O Maharey o le taitaifono o le pharmac, ACC ma le Education NZ ma sa avea foi ma minisita o le kapeneta i le taimi o Helen Clark ae ua agiga lona igoa i mataupu faapolokiki i le vaiaso nei ona o ni faamatalaga na ia faia i ana tusitusiga e faatatau i le faamalolo ai o lē sa avea ma taitaifono i le Te Whatu Ora (Health NZ) o Rob Campbell.
I le feiloaiga la ma tusitala i le taeao analeila na faamaonia ane ai e le minisita ua ofo atu le faamavaega a Maharey ae o loo iai pea lona faatuatuaga i lea alii ma o loo ia faatali nei mo se fautuaga mai le Komisi o galuega a le malo.
Na faailoa foi se finagalo o le taitai o le itu agai Christopher Luxon i le mataupu lea ma ia ta’ua ai o se mea sese le lē taliaina o le faamavaega ua ofo ane e Maharey ma e leai foi se mafuaaga e faatali ai le malo i se fautuaga mai le Komisi le Public Service Commission.
