E silia ma le ‘afa o visa faatalosaga na teena o tagata Pasefika, ma ua sau ai ma le tala e faailogalanu le immigration.
Mai le masina o Aokuso e oo mai ia Oketopa, e latalata i le 1,500 visa faatalosaga mai atunuu e 68 sa tauaao e le ofisa.
E 1,299 visa faatalosaga mai tagata asiasi i Tonga ma o le 224 na teena.
A faatusa i le 1,398 talosaga mai tagata Thailand e na o le toaono lea na teena.
Talosaga mai tagatanuu Fiti, 1,380 talosaga ae 371 na teena, faatusa i le na o le 30 talosaga teena mai le 3,816 talosaga mai tagata Aferika i Saute.
Fai mai le sui o le Polynesian Panthers i tala a le Herald, Alec Toleafoa, e lē aoga lava le soona ta’u o loo iai faiga faapaga faapitoa peitai i faamaumauga ua sau nei e leai se mea faapena.
O loo matuai teena foi e le minisita o le Immigration, Michael Wood tala nei e faailogalanu agai tagata Pasefika.
Ae fai mai le palemia Jacinda Ardern o loo iai lava taiala e aofia ai le tatau ona toe alu ese atu ma Niu Sila i totonu o le piriota e talia mai ai se visa tafao aemaise o faamaumauga o loo lagolagoina ai le talosaga.
