E ui i le maualuga o tupe faaopoopo i le tamaoaiga o Samoa i tausaga taitasi mai seleni lafo mai o tatou aiga i atunuu i fafo o le tautua faamauina mo aiga, nuu ma itumalo.

Na lagona i le maota finagalo o nisi o sui i le talanoaina o le tulafono taufaaofi e suia ai le faavaa e resitala ai tagata palota i le atunuu. 

Sa faailoa e le sui o Safata 1 ia Leaana Ronnie Posini lona finagalo e lē toe mafai ai ona suia i se isi lava itu le agavaa o le tagata e ui e lei oo mai i Samoa ma nofo ma tautua ai ae o se sitiseni Samoa e faatino lana palota i faiga palota a le atunuu.

Sa ia faapea ai o lona uiga o le palota pogisa le palota a tatou.

I le faalautelega o lona finagalo o le agavaa i le sitiseni o le tupulaga 2 ma le 3 e mafai ai ona palota ma o se tulaga e mafua ona o le tulafono lenei pe a tatala atu le palota mai online o tagata mai fafo.

O le aso lona lona tolu lenei o le talanoaina o le tulafono ua tuuina atu i le Palemene ma o isi finagalo e aofia ai le sui o Sagaga Lua ia Maulolo Tavita Amosa.

Na saunoa Maulolo e faapea o lona popolega ona o a tatou lava IT ia ua latou fausia le system, ma ua lē ese ma le omai o pagota e fau e latou lava le falepuipui latou te iloa uma vaipanoa o auala lafi ma auala i totonu o le falepuipui.

O loo tauaofia i le asō le fono usu a Samoa.