Ua faamaonia e le pule o maliu na nafa ma su’esu’ega o le matāupu i le maliliu ai o ni tagata se to’alima i se faalavelave tau taavale i le lua tausaga talu ai (2023), o le māfua’aga na lavea ai le taavale na tauaveina e le talavou 19 tausaga, Piata Otufangavalu ona ua fai lava sina malosi ma maualuga o le tulaga o le lele o le tama’ita’i.
E faapea na faaaogā ma ulaina e Piata fualaau faasāina o le nitrous oxide ma le cannabis poo le maruana.
I le lipoti a le pule o maliu (coroner) Matthew Bates, o le ala lea na lavea ai le taavale, lea na fano ai lona ola faatasi ai ma nisi o tagata e to’afā.
I lipoti e faapea, o Otufangavalu, e le’i iai sona laisene ave taavale ma e tusa ai ma tulaga o le faalavelave, na kolosi e le taavale le ogatotonu o le auala a o aga’i mai se isi taavale i le isi ituala na omai ai se ulugalii matutua o Paul ma Lois Grimmer.
Ua faamatala e Matthew Bates, le mata’utia tele o lenei faalavelave ma ua ia faaalia ai o faafitauli ia e fetaia’i ma aafia ai le to’atele talu ai lava fuala’au faasāina ma ‘avamalosi a o tagofia le foeuli.
Ua fautuaina malosi e Bates le moomia ai ona saga faamalosia o a’oa’oga ma tulafono e faaitiitia ai le tele o faalavelave faapenei e tula’i mai.
Puna o Faamatalaga: https://www.rnz.co.nz/news/national/576034/unlicenced-driver-high-on-drugs-claims-five-lives-in-waikato-crash-coroner
