Ua faamautuina nei tulaga o le Fijian Drua ma le Moana Pasefika i le Super Rugby seia oo lava i le 2030. Ua faailoa lea tulaga ina ua mae’a sainia e le NZ Rugby ma le Rugby Australia se isi faiga faapaaga fou i Sini.
O le ofisa sili o le lakapi a Niu Sila o Mark Robinson ma le ofisa sili o le Rugby Australia o Andy Marinos ua o la sainia le maliega fou lea ua toe faaopopo ai le maliega o loo iai nei lea sa fuafua e faamae’a i le 2024 peitai o lea ua toe faaoo atu i le 2030.
O le a iai foi la ma nai suiga fou ua faalauiloa auā le faatinoina o taamilosaga ma le feagai ai ma ‘au.
O le taamilosaga o le Super Rugby 2023 e tatala i le taaloga a le Drua ma le Moana i Mt Smart i le aso 25 o Fepuari o le tausaga fou.
