O le asō e faamavae ai le Fofoga Fetalai, Trevor Mallard.
O le toe kuata i le itula e lua i le aoauli nei na aloaia ai le faamavaega a le Fofoga Fetalai o le Palemene a Niu Sila.
O le faasalalauga na sau ananafi e faapea, o le faamavae ai o Mallard o le a agai atu ai e avea ma amepasa o Niu Sila i le atunuu o Aialani, ma e faapea o le masina o Ianuari o le tausaga fou lea o le a aloaia ai.
Ua talia aloaia foi e le Kovana Sili ia Dame Cindy Kiro le faamavaega a le Fofoga Fetalai, ma ua faafetaia ai foi Mallard mo lona sao ia Niu Sila.
O le tuua ai la e Mallard o le nofoa o le Fofoga Fetalai, o le a faia ai ma le palota i le aoauli nei lava e sailia ai se isi e faaauauina lea tofiga e pei ona faamautinoa mai e le ta’ita’i o le maota, Chris Hipkins.
