O le fale’aiga Amerika o le Carl’s Junior sa tetele ana fuafuaga mo le faalauteleina i Ausetalia nei, ua lipotia i le asō ua iai si faaletonu ina ua maua tala i le aso ananafi ua iai kamupani ua filifilia e latou te silasila i lea faaletonu.
O le fale burger o le Carl’s Jnr e pei ona lauiloa ai foi na mua’i tatala lona faleoloa i Ausetalia i le 2016 ma e tele isi lālā na tatala mulimuli ane.
Fai mai la le 9News o fale’aiga uma a le Carl’s Jnr i Kuiniselani e lē o aafia ae na o le 20 fale’aiga o le a tapunia mai le 24 o loo iai i isi vaega o Ausetalia.
Fai mai le pulega o loo galulue nei i le faia o fetuuna’iga e lē gata ma paaga faapisinisi ae faapea foi nai tagata faigaluega.
Puna o Faamatalaga: https://www.9news.com.au/national/carls-jr-burger-franchise-enters-voluntary-administration-australia/f73930a5-6adb-430a-bc56-448fd4b96a12
