O le tau e totogi mo le aumaia o taavale i le atunuu ma le faatauina o le a siitia a o siitia ai foi ma le puipuiga biosecurity measures faasaga i tau faamata’u ua faatupulaia foi. 

Fai mai le 9News o le faitau afe o tagata Ausetalia o loo feagai ma faatuai i le aumaia o taavale fou ona o nisi o faaletonu e pei o le maua o ni iniseti ma palapala mai isi atunuu i taavale o loo aumaia aemaise pe afai sa teuina i ni nofoaga vaoa a o lei aumaia i Ausetalia. 

Fai mai le malo o le 600 miliona ua faaalu i le puipuia o le siosiomaga mai tulaga ia e le taitai lava e tali atu ai i le faatupulia o lea tulaga ma o se tasi lea o tulaga o le a suia ai le tau o le aumaia o taavale.

Ua ta’ua foi o le tele o nisi taavale ua taunuu mai i le atunuu ae o le umi o le taimi na faatali ai faatoa oo mai i le atunuu, na toe aafia atu ai i nisi bugs ma isi manu faalafuā.