O le alii minisita o Paul Goldsmith lea ua faasaga ane nei i le matagaluega fou ua i lalo nei o lana vaavaaiga lea ua suitulaga ai ia Melissa Lee.
O le faatalanoaga a Goldsmith ma le 1News i Lonetona na ia ta’ua ai e tele suiga ua fuafua mai aemaise lava i le auala e maua ai e tagata talafou ma faamatalaga i totonu o le isi 10 tausaga.
Fai mai a ia o le a faalogologo muamua i faamatalaga mai tagata o loo patino iai le mataupu lenei ae o loo naunau ia vave lana tali ma e talitonu o se vaega tāua tele o le faatemokarasi le iai o se aufaasalalau malosi ma ia faaauau ai pea ona faamatala tala a tagata Niu Sila agai atu i le lalolagi.
Na ia ta’ua o se taimi lenei o suiga e manaomia ona faia vave ae o se taimi foi o avanoa.
Puna o Faamatalaga: https://www.1news.co.nz/2024/04/26/what-are-paul-goldsmiths-plans-as-new-media-minister
