O le a finau le minisita o Fefaatauaiga a Ausetalia, Don Farrell ia Saina ina ia aveese nisi o sā o loo iai i le aveina atu o oloa mai Auetalia i Saina pe a taunuu lana faigamalaga i Beijing i le aso ananafi.
Ua lipotia i le 9News talu mai lava le tausaga talu ai sa iai pea le faamoemoe mo le aveesea o le 20 piliona o faasāsāga o loo iai a Saina i le aveina atu o oloa e pei o le barley, uaina, povi, lobster ma isi oloa mai Ausetalia.
O loo talotalo ia oo atu i le faaiuga o lenei tausaga ua aveesea.
Na maliile le faigamalo o iai nei i le masina talu ai e taofia se feeseeseaiga ma Saina i tulaga tau fefaatauaiga ma i sana saunoaga a o lei malaga i Saina na ta’ua ai e Farrell o le a ia finau mo se tali i le mataupu lea a o iai i Saina.
O Farrell le uluai minisita o fefaatauaiga a Ausetalia ua asia Saina talu mai le 2019 ina ua amata faalēlelei le sootaga i le va o atunuu e lua i le taimi o le faigamalo a Morrison.
