Atonu e le o toe umi se taimi ae le toe vaaia loa le faguinu suamalie o le Lift i le tele o faleoloa ma maota o aiga ina ua faalauiloa mai i le vaiaso nei e le Coca Cola Australia le faamuta o lona toe faatauina.
Ua faailoa i lipoti o le faaiuga o le tausaga nei e tatau ona oo atu iai ua le o toe faatauina ma o le a suia i se isi flavour fou o le Sprite Lemon Plus.
Na amata faalogoina faamatalaga salatua i le mataupu lea i le masina o Iulai ae o lea la ua manino mai le faaiuga a le kamupani i le vaiaso nei ma ua faailoa e sa latou sooupu i le 7News e tatau ona oo atu i le faaiuga o le tausaga nei ua le toe vaaia apa inu ma faguinu o le Lift i totonu o faleoloa.
O le flavour fou o le a suitulaga iai o le Sprite Lemon Plus ma ua taua e le kamupani e suisui lava a latou oloa e fua i manaoga o le au faatau.
