O lea ua o ese mai ma malae o le fale o le palemene, a ua nonofo solo ma paka solo a latou taavale I le tele o auala I Ueligitone ma isi nofoaga lalata ane
O le aso ananafi na po ane lava o faia galuega toe faamama I le malae ma nofoaga na potopoto ai tagata na solo tetee I Ueligitone, ma o loo iai pea lava I lalo o vaavaaiga a leoleo talia se taimi e tuuina atu ai I le council
Ao faia ai la nei galuega uma ma sau ma le tala o le a faatupe foi e tupe a taxpayers galuega nei, o lea ua toe faatutu faleie a le au tetee I isi auala e aofia ai Miramar Peninsula, Red Rocks lea na momoe ai I le po o le Aso Lulu a malama ananafi, nisi I Shelly Bay faapea ai ma se vaega itiiti I totonu lava o le taulaga
O nisi ua faamautu I nofoaga e latalata I le sami ma o loo toe faia ai musika ma agai I le sami mo taelega
Ua taua mai foi le vevesi o tagata Lower Hutt ma le au tetee ao taumafai tagata e tutuli ese ao saili atu I se nofoaga e faamautu ai
Na iai ma leoleo, ma ua sau ai foi ma ripoti o faleoloa ma fale faaleagaina e I latou nei
Mai leoleo ananafi ese mai le 89 na taofia I le Aso Lulu na faatetele ai o lea foi na toe ave faamalosi le isi 11 ananafi, ese ai ma le isi toatele ua molia I le faatupu vevesi ma faalavelave I galuega a leoleo
