O lē sa peresetene i le Mongrel Mob lea na maua lona tino maliu i le faatoaga i Canterbury.
O le faamaoniga lea mai le leoleo ma o Chad Puru, 55 tausaga o Kalaiesetete na maua i totonu o le taavale ua susunu.
Mai le Aso Lua na maua ai, o loo suesueina pea e leoleo e le gata i le faatoaga na maua ai ae o auala na mulimuli vaaia ai le taavale a lē ua maliu mai le Aso Sa seia oo mai i le taeao o le Aso Lua.
O lē ua mae’a suesuega na faia i le tino maliu o Puru, peitai e le o mafai ona faailoa mai e leoleo nisi faamatalaga.
O Puru o ia lea sa taitaia le Mongrel Mob i Kalaiesetete mo le silia ma le 20 tausaga peitai o lea na faamavae ina ua molia i le toso teine lea na aafia ai le tamaitai 13 tausaga lona matua.
