Ua leai mai le sui Palemia o ia foi o le minisita o tupe Grant Robertson e fia momoe i le sailiga o se isi e suitulaga ia Jacinda Ardern.
O le aso ananafi na faateia ai le pati i le taeao faapea tagata uma mulimuli ane i le uluai taimi o le 2023 ua saunoa faalauaitele mai ai le Palemia, ae sau ua faamavae mai lona tofiga Palemia faapea lona tofi o le taitai o le vaega faaupufai a le Labour.
I lana saunoaga ananafi na ia ta’ua ai e iai lona talitonuga ua oo i lona taimi e alu ai, ma o lana tage foi e le o toe lava mo tiute e tatau ona faataunuuina lea o loo sau ma le tofiga faa-Palemia.
O le aso fitu o Fepuari o loo faamoemoe e aloaia ai le faamavaega a Jacinda ae faaauau pea ona ia tauavea lona itumalo o Mt Albert i totonu o le maota seia oo atu i le masina o Aperila.
A o faamavae mai ai le Palemia o loo iai nei, ua saunoa manino lona sui Grant Robertson e le fia momo’e i le sailiga o se isi Palemia.
O le Aso Sa nei e palota ai le Labour mo se isi ona taitai ma afai ae le maua se tasi e mafuli iai le 2/3 o palota o lona uiga o le a faia loa e le lautele o sui o le pati.
