Saunoa le Minisita o le Va i Fafo a Niu Sila, Winston Peters, o nisi o ta’ita’i o le Pasefika e silasila i suiga o le tau o se faamata’u i le tulaga tau le puipuiga ae o le itu aupito tāua o loo feagai ma o latou atunuu o le tulaga i lona atina’eina poo le development.
Sa faia se feiloa’iga a Peters ma nisi o ta’ita’i o le Pasefika i le fonotaga aoao a Malo Aufaatasi sa faia i Niu Ioka ma sa ia faailoa ai i le Pacific Waves, lona popolega i le Paris Climate Accord ma sa aga’i sa’o lana faamatalaga i ta’ita’i o le Pasefika ma le silasila a nisi i suiga o le tau.
O lona manatu o le faalauteleina ma le atina’eina o le Pasefika o le itu tāua lea.
Ua faailoa e le RNZ na agiga foi i lipoti i Niu Ioka se faamatalaga na fai a Peters i se inugati sa faia na ia faailoa ai i ē na auai e mana’omia e le lalolagi le faamaoni ma le mea moni ma faafesaga’i ma le lu’itau tele o loo iai o le faaalu ane o kasa oona i le si’osi’omaga.
Sa faaāta foi e Peters le $20 miliona o le foa’i a Niu Sila i le tausaga na te’a nei i le Pacific Resilience Facility, o se auaunaga faapitoa i le Pasefika.
Puna o Faamatalaga: https://www.rnz.co.nz/international/pacific-news/574880/winston-peters-says-pacific-leaders-are-realists-about-climate
