E iai lipoti ua faailoa e le RNZ ua maua mai nisi i Ueligitone aemaise i latou e alala latalata i le malaevaalele, ua teena e avetaxi le aga’i ane mai le malaevaalele i o latou fale ona o le vavalalata o ia faigāmalaga.
Fai mai le RNZ ua fai si tele o faitioga ua o latou maua e faatatau i le matāupu lea ma ua iai foi se auaunaga tau taxi ua faamālōlō ai se avetaxi ona o le tulaga lava lea.
Fai mai ua mumusu e ave pasese e latalata nofoaga e alala ai ma e lalata atu i le malaevaalele ma o se tulaga lea e lē ogatasi ma tulafono a le malaevaalele faapea foi ma le ofisa o fela’ua’iga a Niu Sila le NZTA.
O se matāupu ua lipotia o loo silasila iai le auaunaga tuufaatasi a taxi i Ueligitone aemaise le NZTA aemaise le faamauina o faitioga mai nai pasese o tagata matutua sa faamoemoe e faaaogā taxis e malaga ai i aiga pe a taunuu i Ueligitone peita’i ua lē taliaina e le avetaxi ona o le latalata tele o le mea e fia aga’i iai.
Puna o Faamatalaga: https://www.rnz.co.nz/news/national/574536/people-reporting-being-denied-rides-from-taxis-at-wellington-airport-over-distance-of-trip
